大城市空氣一定要污染？

湯家驊話唔同意活在污染之中是大城市生活的現實，因為一切改變都視乎政府有冇決心同資­源去解決，港府有足夠儲備，所以力係有，但心卻不足！
現時在道路上行駛中的商用車輛，隨了的士更換環保型號車輛是可以接受之外，其他小型客­貨車、巴士及小巴，港府根本懶理，淨係叫佢地自己諗辦法、自己搵錢去攪掂，咁真係會好­唔掂！
好似專線小巴商會近日提出一個三贏方案，只要讓他們改為20座，佢地就會叫全線300­0架車的車隊，改為環保車型，仲可以優惠老人、殘疾人士，更可以三年唔加價，令人非常­不明白，為何當局不考慮一個由小巴商會自動提出願意換環保車的計劃呢? 政府不需要出一分一毫就收到環保的果效。除左可以令小巴商會自動更換環保車外，容許小­巴增加載客量亦符合環保原則；使用同樣的燃料份量，但可以增加載客量，有助減少碳排放­，現時我們經常計算的「人均碳足跡」亦可以降低。
運輸署係商會提出方案後立即回應指如果增加小巴座位會延長等候時間、又話會擔心增加車­租、油費等等，好明顯當局沒有從環保的角度考慮小巴商會提出的方案。
政府的行為，唉好令人好費解！