Sunday, June 12, 2011

事件明顯是羅生門,不過劉江華在鏡頭面前,好似已經知道成件事的脈絡,葛輝的指控冇理據,簡直厲害。
葛輝事件正如冼日明教授咁講,簡直是一件羅生門,葛輝同佢上司講的嘢,大家都覺得唔可信,而且講出的理由,好多都是不合常理,所以,唯一是政府要將所有資料公開,讓公眾來­分辨有沒有被上級指使要讓某個政黨得益的「政治任務」。不過,就算是明益某政黨,市民亦莫奈何,特首都話自己會做到親疏有別喇!
只係唔鍾意劉江華的一副咀臉,好似覺得從一個官員解畫、所有文件都未看齊,就可以知道晒一切。
他說什麼葛輝有自我成全的想法,self-fulfilling proficiency,覺得自己被迫害,亞哥,個詞唔係咁用呀,係咪應該講有被妄想症!而且,葛輝因此事不被續約,覺得被迫害係好正常,你唔可以因為人地茅頭直指民建聯­,就用盡所有方法誣蔑人,咪有得立法會去查,還番你地民建聯的清白囉!

No comments: