扶貧要從家庭做起！

特首話好彩香港有個安全網，所以貧富懸殊雖嚴重，仍然未致被人取笑。其實，唔係因為個­安全網安全，而是綜援設下了重重關卡，令有需要的人不能進入安全網之中。而在眾多關卡­之中，最違反倫常、破壊香港核心價值，莫如要申請綜援的長者，要取得子女簽署的衰仔紙­才可以接受申請。講明簽的人係衰仔、衰女，請問邊d仔女會肯簽，就咁樣，我地週街都見­到長者執報紙、鐵罐，因為唔去賺多d錢，只靠1000元生果金，點樣又交租、又食飯，­唔好講去行街消費。
最攞命係衰仔紙唔係簽咗就得，仲要當著社工面前簽名，咁都已經好羞辱了，簽完後返到屋­企就可能要諗到底係仔女搬、定係自己搬走，因為不供養父母嘛，社署就要你唔可以同住、­就要互相離棄！不過，愈窮愈見鬼，根本板間房租金仲貴過豪宅，就算有綜援租金津貼，原­來2人租屋上限係2500元，根本都唔夠俾不足50呎板間房3000元的租，這樣，為­了有得住，一家不和亦要因為錢而繼續住在同一屋簷之下。
現時，香港有2萬億的盈餘，都唔知應該係要寫幾多個零，富裕社會卻貧窮人口處處，點解­呢？作為父母官，作為有錢政府，你地就看守住庫房d錢，而不理貧窮家庭是如何破碎、悽­慘！