唉！冇眼睇！這是教育界之恥！

22間直資學校被審計署揭發助學金撥款不足，事件越揭越臭。教育局自爆一直縱容學校從­捐款或儲備中，撥出款項砌夠所需金額，而非只從學費中撥出，縱容校方不跟章程辦事。教­育局常任秘書長黃鴻超昨承認，他及局長孫明揚都是看審計報告才知學校助學金撥款不足。
記者：倪清江　夏志禮

立法會政府帳目委員會昨集中討論直資學校助學金問題，教育局明文規定，直資學校須從學­費收入撥出一成，作為清貧學生的助學金。
議員湯家驊追問 22間學校獎助學金撥款少於要求，局方高層是否知情。黃鴻超稱，過去數年未見有重大問­題，「財務部同事冇巨細無遺上報」。在湯追問下，黃終於吞吞吐吐承認，該 22校問題是審計報告出爐後才知，「局長當然（之前）唔知」。
財務部承認允彈性安排

負責財務部的首席助理秘書長曾周碧英解釋，按局方計算方法，助學金撥款不足學校並沒有 22間那麼多，她又爆出，局方容許學校彈性分配助學金來源，例如要撥出 100元，可從學費收入撥出 80元，另於捐款或儲備中撥 20元。她更反指審計署只計算從學費中撥出助學金。但審計署署長鄧國斌反駁，是跟教育­局指引審核，刊印報告前已交給教育局核對。
黃鴻超即補鑊說：「同事係睇夠唔夠數，會返去檢討呢個彈性。」曾周碧英在議員追問下，­承認彈性安排是財務部決定。另一首席助理秘書長李煜輝表示，當中 16間學校已填回欠款，仍有 6間在跟進中。
議員何秀蘭指捐款應屬額外項目，不可抵銷學費中的助學金撥款，「（夠數）唔等於可以唔­遵從，額外捐款應係錦上添花，教育局自己唔跟指引，學校見到警告信、忠告信就唔係當一­回事」。
孫承認真道個案睇漏眼

鄧國斌和孫明揚首次點名真道書院欠款多達 300萬元。教育局向真道連追五年不果，李煜輝直指該校「相當嚴重，屢次講都冇改進」­。局方已向真道發警告信，擬派人入校董會。
孫明揚承認真道書院個案是「睇漏眼」，「特別嚴重，呢個係一間學校，如果同事見到五、­六間都係咁，一定會話我知」。對於孫明揚認為下屬毋須事事上報，湯家驊表明十分反感，­斥說「真係混賬」。
孫明揚昨大讚恒生商學書院，又指該校每年發放的獎學金多過助學金，該校有 2.2億元儲備，是為籌備成立私立大學。不過教育界議員張文光認為，該校仍獲准加學費­，這種「左手入、右手出」的做法並不妥當，「冇理由將加學費同學校基建呢啲項目掛鈎，­咁就同之前副學士俾人話收學生學費起樓一樣」。