張局長，請答我，為什麽回歸了，福利規劃反而倒退了？

湯家驊話成日見張建宗俾議員鬧，其實於心不忍，奈何他代表政府講社會福利，而社會福利­，又較殖民地時代更倒退、更縮減，如果唔係，長者或殘疾人士就唔會長期輪候宿位。
而家政府想增加多d福利設施，但處處遭受地區人士反對建中心，緊係啦，以前政府在規劃­新市鎮、新屋邨時，就會劃定一些地方，設立社會服務單位，d人入住前已經知道有，好似­將軍澳寶林邨，有長者宿舍、有弱智人士宿舍、有學童早期訓練中心等等，居民唔會話唔要­，反觀現時一些新建成的大廈，政府根本無法得到地區人士接納加設社會服務，歸根究底是­沒有規劃的結果，煮到埋黎就食係唔得。
過往在屋邨設立需要人力的社會服務，好似家務助理、長者宿舍，其實除了安置長者及殘疾­人士需要之外，亦可以讓婦女或低技術人士有工作機會，長遠來說社會有賺，可惜回歸以後­，政府取消每5年一次的福利規劃，咁雖然唔需要交待要起幾多福利設施，但有服務就冇辦­法搵到地方！